Mellisa aka Melai - Pinoy Big Brother Double Up Big Winner

Panalo ang lola! Si Melissa aka Melai ay kilala sa pagiging kalog, masayahin, palaban at “love interest” ni Jason. Tinuring siyang big winner ng katatapos lamang na Pinoy Big Brother Double Up. Nanalo siya at nagkaroon ng mahigit kumulang isang milyong boto mula sa mga tumangkilik ng nasabing reality show.

Pumangalawa lamang sa kanya si Paul Jake na merong sinundan naman ni Jason na nagkaroon ng 24.97% na boto.

Samantala ang ika-apat naman ay si Johan na nakakuha ng 7.94% at ang panglima ay si Tibo na nakakuha ng 7.64%.

Bukas ay matutunghayan  ang lahat ng mga kalahok sa Pinoy Big Brother Double Up sa isang malaking paghahanda na kung saan ay magre-reunion ang lahat ng miyembro ng bagong grupo na’to ng PBB.

Congratulations sa’yo Melai at sana ay magtagumpay ka pa sa iyong tatahakin. Pasikatin mo ang Pilipinas at maging sikat ang pinoy!

Panalo si Melai sa PBB Double Up! is a post from: Press Release and Article Submission!

Manny at Jinkee Pacquiao

Marahil ay nagtataka kayo kung ano kaya ang gagawin ng Pinoy boxing idol natin na si Manny “Pacman” Pacquiao sa darating na araw ng mga puso. Patuloy kaya siyang magsasanay para sa laban ni kay Joshua Clottey o magsasaya? Eto ang kasagutan. Alam niyo ba na ang kanyang pinakamamahal na asawa na si Jinkee Pacquiao ay lumipad patungong Los Angeles sa Amerika upang makasama niya si Pacman sa darating na Valentines Day.

Kasama ni Jinkee sa pagpunta sa Amerika ang kanyang kakambal na kapatid na si Janet.

Sinasabing magba-Valentines ang mag-asawa sa California subalit wala pa silang maliwanag na plano. Napabalita din na magkakaroon si Manny “Pacman” Pacquiao ng espesyal na Valentines show ngayong linggo.

Si Pacquiao ay nasa Amerika ngayon at nagsasanay para sa kanyang nararating na laban upang depensahan niya ang kanyang welterweight title laban kay Joshua Clottey sa darating na ika-13 ng Marso ngayong taon. Ito ang kauna-unahang pagkakataon na dedepensahan ni Manny ang kanyang ika-7 titutlo sa boksing.

Manny at Jinkee Pacquiao sa Araw ng Mga Puso is a post from: Press Release and Article Submission!

Manny Pacquiao - Fighter of the Decade

Ang sikat na pinoy na boksingero na si Manny “Pacman” Pacquiao ay tinaguriang “Fighter of the Decade” (2000-2009) ng Boxing Writers Association of America (BWAA). Ang karangalan na’to ay nadagdag sa listahan ng karangalan ni Pacquiao at ni hindi man lamang umubra ang mga matutunog na pangalan sa larangan ng boksing na sina Joe Calzaghe, Bernard Hopkins, Floyd Mayweather Jr., Shane Mosley, Juan Manuel Marquez at Marco Antonio Barrera.

Pangungunahan ni Pacquiao ang pagtanggap ang mga honorees na inimbitahan para tanggapin ang awards sa ika-11 ng Hunyo sa New York kasabay ng 85th annual banquet ng BWAA. Sa pagkakataon ding yon ay tatanggap muli siya ng Sugar Ray Robinson trophy. Sa loob ng apat na taon ay ikatlong pagkakaton siyang nakatanggap ng nasabing trophy.

Sa gayong ding okasyon ay tatanggap din si Freddie Roach ng Futch award bilang trainer of the year. Nanalo rin siya noong 2003, 2006 at 2008. Mula 2001 ay nasa likod na ni Pacquiao si Roach at itinuturing na mahala­gang haligi sa tagumpay ng boksingero.

Manny Pacquiao Tinuring na Fighter of the Decade is a post from: Press Release and Article Submission!

Charice Pempengo at si Christian Imparato

Sa ikatlong pagkakataon, si Charice Pempengco ay pumunta ng Italy upang kumanta sa IO Canto (I Sing), isang sikat na paligsahan sa pagkanta sa Europa. Ang nasabing pagkanta ni Charice ay na-broadcast ng live sa Milan, Italy noong ika-23 ng Enero.

Sa nasabing okasyon ay kumanta siya ng “Adagio” kasama si Cristian Imparato, isa sa mga kalahok ng nasabing patimpalak. Sadyang humanga ang mga manonood sa kakaibang hatak ng tinig ng nasabing batang sikat na pinay na international na mang-aawit.

Kung ma-aalala niyo, si Charice ay unang pumunta sa bansang Italy, noon Hulyo ng 2008 ng personal siyang anyayahan ng mang-aawit na si Andrea Bocelli upang mag-perform kasama niya. Samantalang noong nakaraang taon ng Mayo ay bumalik siyang muli at nakamit ang papuri ng mga Italyano sa kanyang pag-perform sa isang variety show na pinamagatang “Ti lascio una canzone (I’m Leaving a Song for You).”

Sa nasabing kaganapan ay bumirit muli si Charice ng mga awiting nagpakilala sa kanya sa buong mundo kabilang ang “I will always love you”, “I have nothing” at ang kanyang bagong awitin na “Note to God.”

Kung nais niyong matunghayan ang nasabing performance ay panoorin sa sumusunod na video:

Charice sa Italy, Nagpakitang Gilas is a post from: Press Release and Article Submission!

Sikat ang Pinoy: Brian Viloria

Isa na namang Pinoy na boksingero ang makikipagbakbakan upang idepensa ang kanyang titulo. Si Brian Viloria – ang kasalukuyang humahawak ng titulo ng IBF Light Flyweight ay lalaban kay Carlos Tamara ng Colombia sa darating ng Sabado, ika-23 ng Enero sa Cuneta Astrodome, Pasay City. Ang nasabing laban ay tinaguriang “Brian Viloria vs. Carlos Tamara: Collission Course.”

Sa labang ito, sinasabing mahihirapan si Viloria sa kabila ng “height and reach advantage” ng kanyang katunggali. Isa pa ay kilala si Tamara sa pagiging defensive na kung saan ay hindi nakikipagbakbakan ng sabayan na kung saan ay hindi nababagay sa istilo niya.

Sa kabila nito, inaasahan pa rin ng marami na lulutang pa ring kampeon ang pangalan ng pinoy na boksingero. Siguradong sisikat na namang muli ang pangalan niya pagkatapos ng laban na ito at mapapatunayan niya na hindi lamang si Pacquiao ang kayang makapagbigay ng karangalan sa buong Pilipinas.

Palarin ka sana Brian “The Hawaiian Puncher” Viloria at bigyan ng kaukulang sikat ang pinoy.

Brian Viloria Laban Kay Carlos Tamara Malapit Na! is a post from: Press Release and Article Submission!

Biktima ng Lindol sa Haiti

Ang nangyaring lindol sa bansang Haiti ay isang napakalungkot na pangyayari sa kasaysayan ng mundo. Marami ang nasawi at patuloy pa rin ang paghahanap na mga naiwang maaring survivor sa nasabing trahedya. Sa pangyayaring ito ay matutunghayan mo ang kabayanihan ng pinoy sa kabila ng ganito kalamidad.

Ang aking tinutukoy ay si Cpl. David Catacutan, isang pinoy na miyembro ng 10th Philippine Contingent sa Haiti. Napabalitang siya ay natrap sa loob ng Montana Hotel sa Port-au-Prince, kapital ng Haitian at nailigtas ng kamakailan lamang. Kahit sa ganitong nakapanlulumong karanasan ay nagdesisyon pa rin siyang tumulong sa mga biktima ng nasabing lindol. Isipin mo ba naman ng ilang oras lang ang nakalipas mula ng siya ay makuha mula sa ilalim kung saan siya natrap at maampatan ng kaukulang lunas ang kanyang mga sugat ay agad-agad siyang sumama sa kanyang mga kapwa sundalo at nag-umpisang tumulong sa paghahanap ng mga survivors.

Hindi lamang si Cpl. David Catacutan ang may ganitong uri ng dedikasyon para tumulong sa iba. Halos lahat ng mga sundalong pinoy ay may ganito ring determinasyon at walang halong pag-iimbot sa pagbibigay ng tulong sa bawat biktima.

Mabuhay kayo mga makabagong bayani! Ipagpatuloy lamang niyo ang ganitong gawain. Isa lamang itong patunay na talagang sikat ang pinoy!

Cpl. David Catacutan Pinoy na Nailigtas, Tutulong sa Haiti is a post from: Press Release and Article Submission!

Manny "Pacman" Pacquiao

Muli namang pinarangalan ang sikat na pinoy na si Manny “Pacman” Pacquiao bilang “Athlete of the Decade” ng Philippine Sportswriter Association (PSA). Ibibigay ang ganitong karangalan sa darating na ika-1 ng Marso ngayong taon sa Manila Hotel sa taunang awards night ng organisasyon ng mga sportswriter.

Si Manny Pacquiao ay dating nagtitinda lamang ng tinapay at nagtatrabaho bilang construction worker bago naging isang sikat na boksingero. Marami ang nagsasabi na hindi inaakala na makakarating si Pacquiao sa kanyang kinaroroonan ngayon. Kahit si Freddie Roach ay nagsasabi na hindi niya inakala na ganito ang maaabot ng kanyang alaga mula ng magsimula siyang magsanay nito noong taong 2001.

Ngayon nga ay si Pacquiao lamang ang kaunaunahang boksingero nakapagtala ng pitong world titles sa boksing na kinabibilangan ng flyweight, super-bantamweight, featherweight, junior lightweight, lightweight, junior welterweight, at welterweight na kamakailan lamang niya nakamit matapos niyang maknock-out si Cotto sa kanilang nakaraang laban sa Las Vegas.

Sa darating na Marso 13, 2010 ay sasabak muli ang kampeon na pinoy laban kay Joshua Clottey ng Ghana sa Cowboys Stadium sa Texas.

Mabuhay ka Manny Pacquiao! Ikaw ang siyang nagpapatunay na talagang sikat ang pinoy sa buong mundo.

Sikat Ulit si Pacquiao, Pinarangalan “Athlete of the Decade” is a post from: Press Release and Article Submission!

Chef Cristeta at Michelle Obama

Kamakailan lamang ay nanalo ang pinay na Chef ng White House na si Cristeta Pasia-Comerford sa Iron Chef America. Kasama nya na nakipagpaligsahan si Chef Bobby Flay na residente ng “Early Show.” Tinalo nila ang team ng sikat na Chef na sina Emeril Lagasse and Mario Batali noong nakaraang Linggo. Sa kanilang pagkakapanalo ay ginamit nila ang nirekomendang panangkap ng unang ginang ng Amerika na si Michelle Obama.

Cristeta Pasia-Comerford ay isinilang sa Sampaloc, Manila. Nakumpleto niya ang kanyang secondary education sa Manila Science High School. Siya ay pumasok sa Unibersidad ng Pilipinas, Diliman sa Quezon City at nagdalubhasa sa food technology. Gayunman, hindi siya nagtapos ng kanyang degree dahil sa lumipat sila sa Estados Unidos.

Ang 47-taong gulang na Filipina Chef ay ang White House Executive Chef mula noong 2005. Comerford ay hinikayat na sa pamamagitan ng executive punong tagapagluto Walter Scheib III noong 1995 na magtrabaho sa Clinton sa White House. Nang magbitiw si Scheib bilang executive chef noong Pebrero 2005, si Cristeta ay hinirang ng First Lady Laura Bush noong Agosto 14, 2005 bilang White House Executive Chef. Noong ika-9 ng Enero ng 2009, ng mga Obama na ang lumipat sa White House, pinapanatili pa rin siya Executive Chef ng administrasyong Obama.

Siya ang pinkaunang female White House Executive Chef at ang unang tao ng mga minorya etniko na pinagmulan na humawak ng posisyon na ito. – Sikat ang Pinoy!

Cristeta Pasia-Comerford : Chef na Pinay ng White House Panalo! is a post from: Press Release and Article Submission!

Armand Serrano (Sikat na Animator)

Si Armand Serrano ay ang nasa likod ng paguhit ng mga pelikulang tulad ng Mulan, Lilo and Stitch, Brother Bear, Tarzan, at Surf’s Up. Ito ang mga pelikulang hango sa mahusay na pag-guhit ng isang Pinoy na dapat nating ikarangal dahil sa matagumpay na pagpasok nito sa animation studios sa Amerika.

Ani niya Armand, bata pa lang siya ay hiliig na niya ang mga guhit. Naging malaking impluwensya niya ang kanyang nakakatandang kapatid na mahilig din sa pagguhit at pagpipinta na siya namang nagamit niya sa kanyang karera.

Nang makapagtapos ng kolehiyo, sinubukan niya na gamitin ang kanyang napag-aralan ng ilang buwan. Ngunit malakas talaga ang tawag ng kanyang first love, ang pagguhit – kaya nagpalit siya ng propesyon at nagtrabaho sa Fil Cartoons, Inc. noong 1990. Mula sa Maynila ang Fil-Cartoons, Inc. ay subsidiary studio ng Hana-Barbera Studio at dito niya nahasa ang husay nya sa modernong pagguhit ng “cartoon characters” na mas kilala sa tawag na “animation.”

Sa nasabing studio niya rin nakasama siya pagtatrabaho sa ilang cartoon shows gaya ng Johnny Quest, Addams Family, Tom and Jerry Kids, at Yogi Bear.

Matapos ang tatlong taon, lumipat siya sa Philippine Animation Studio at pinangasiwaan niya ang layout department ng Marvel overseas production ng Fantastic Four, X-Men, at music video ng “Prince.” Likas kay Armand ang pagkahilig niya sa kanyang karera na nagtutulak sa kanya upang mamangha parin siya sa mga pambatang pelikula.

Nakahiligan din niya ang mga epikong pelikula tulad ng “Gods and Generals” at “The Lord of the Rings.” Taglay din niya ang pagiging environmentalist at kaagapay niya ang sariling krusada sa pagpapahalaga sa kalikasan sa pamamagitan ng kanyang mga guhit at proyekto. – Nag-uulat Kyle ng Laganap.com.

Armand Serrano: Pinoy sa Likod Ng Mga Sikat na Animation Film sa Buong Mundo is a post from: Press Release and Article Submission!

Talaga namang sikat ang pinoy saan mang dako ng mundo. Ito nga pala ang kanyang inawit na nakuha ko mula sa Youtube:

Charice Pempengco sa Singapore Idol – Sikat Talaga ang Pinoy (Video) is a post from: Press Release and Article Submission!