Ngumingiting Pacquiao Habang Nasa Training (Larawan Mula sa Viva.com.ph)

Talaga namang sikat ang laban ng pinoy na boksingero na si Manny “Pacman” Pacquiao at ng Ghanna at Olympic boxer na si Joshua Clottey at sinasabi ngang nakapagtala ng bagong rekord sa kasaysayan ng boksing. Nakangiting sinabi ni Bob Arum sa mga media na ang ticket ng laban nila ay paubos na at kokonti na lamang ang naiiwan. Mahigit 30,000 tickets na ang nabenta sa ngayon pa lamang at inaasahang mga higit kumulang 65,000 tickets ang maaring mabenta para sa laban kung magpapatuloy ang hatak nito sa mga boxing fans. Sinabi niya din na marami pa ang mga naghahangad na madagdagan ang sitting capacity ng laro. Kung matatandaan ang laban ay gaganapin sa daring na Marso atrese sa Cowboys Stadium sa Arlington, Texas.

Ang mga latino fans daw ang siya pangunahing nag-uudyok kay Bob Arum na pagbigyan sila na mapanood ang bakbakang Pacquiao-Clottey.

Hanga si Bob Arum sa mga Pinoy na lalaban sa Pinoy Power III

Samantala naman ay bumisita si Bob Arum sa Wild Card Gym upang matunghayan ang puspusang paghahanda nina Bernabe Concepcion at Gerry Peñalosa na kasama sa laban sa darating na linggo sa Pinoy Power III sa Las Vegas bilang mga undercard fights ng labang Donaire vs. Guerrero. Sinabi niyang talagang hindi kapanipaniwala ang kakayanan ng mga Filipino subalit kitang-kita sa kanilang ginagawang training ang determinasyon na makamit ang karangalan sa kanilang darating na laban.

Ticket Para sa Labang Pacquiao vs. Clottey Paubos Na is a post from: Press Release and Article Submission!

Pinoy Power 3 (Boksing)

Apat na namang mga pinoy na boksingero ang sasabak sa ring upang itaguyod ang bandila ng bansa sa larangan ng boksing laban sa mga manlalaro ng Puerto Rico at Mexico. Si “Filipino Flash” Nonito Donaire na kasalukuyang WBA superflyweight interim champion ay lalaban sa beteranong boksingerong mula sa Mexico na si Gerson Guerrero (kasalukuyang kampeon ng North American Boxing Federation). Samantala naman ang batikang si Gerry Penalosa (54-7-2, 36 KOs) ay lalaban kay Eric Morel (41-2, 21 KOs) ng Puerto Rico. Lalaban din si Bernabe Concepcion (27-3-1, 15 KOs) kay Mario Santiago (21-1-1, 14 KOs) ng Puerto Rico at si WBO Oriental super bantamweight champion Ciso Morales laban sa WBO bantamweight champion Fernando Montiel.

Ang Pinoy Power III ay gaganapin sa Las Vegas sa ika-13 ng Pebrero ng 2010 at mapapanood dito sa Pilipinas sa pamamagitan ng channel na ABS-CBN. Ngayon ay naguumpisa na sa training ang mga pinoy na boksingero bilang paghahanda sa nalalapit na laban. Siguradong umaatikabong bakbakan na naman ito at siguradong mamayagpag ang mga Pinoy dito.

Pinoy Power III: Donaire vs. Guererro Nakakasa Na Sa Pebrero 13, 2010 is a post from: Press Release and Article Submission!