Joshua Clottey

Ang Ghana native na si Joshua Clottey na makakalaban ng pinoy boxing superstar na si Manny “Pacman” Pacquiao ay puspusan na ang ensayo bilang paghahanda sa nalalapit na Pacquiao vs. Clottey “The Event” na kung saan ay gaganapin sa ika-13 ng Marso (ika-14 ng Marso sa Pilipinas). Kanyang ipinahayag sa isang interview na inaamin niya na talagang magaling si Pacquiao at siguradong mahihirapan siya sa pakikipaglaban dito. Sinabi din niya na isa si Pacman sa mga idolo niyang boksingero.

Sa kabila nito ay sinabi niya pa rin na kaya niyang makipagsabayan sa lakas ng pinoy na’to at kaya niyang matalo ito. Ang kanyang pagsasanay ay masasabing isa sa dahilan kung bakit maaring niyang magbigay ng mahirap na bakbakan.

Ang Pacquiao vs. Clottey ay gaganapin sa Cowboys Stadium sa Arlington, Texas at mapapanood ng live sa HBO channel. Sa kasalukyan ay hindi pa inihahayag sa Pilipinas kung anong channel (GMA 7 o ABS-CBN) ang magko-cover ng nasabing laban.

Balitang Pacquiao vs Clottey: Joshua Clottey Puspusan na Ang Ensayo! is a post from: Press Release and Article Submission!

Manny at Jinkee Pacquiao

Marahil ay nagtataka kayo kung ano kaya ang gagawin ng Pinoy boxing idol natin na si Manny “Pacman” Pacquiao sa darating na araw ng mga puso. Patuloy kaya siyang magsasanay para sa laban ni kay Joshua Clottey o magsasaya? Eto ang kasagutan. Alam niyo ba na ang kanyang pinakamamahal na asawa na si Jinkee Pacquiao ay lumipad patungong Los Angeles sa Amerika upang makasama niya si Pacman sa darating na Valentines Day.

Kasama ni Jinkee sa pagpunta sa Amerika ang kanyang kakambal na kapatid na si Janet.

Sinasabing magba-Valentines ang mag-asawa sa California subalit wala pa silang maliwanag na plano. Napabalita din na magkakaroon si Manny “Pacman” Pacquiao ng espesyal na Valentines show ngayong linggo.

Si Pacquiao ay nasa Amerika ngayon at nagsasanay para sa kanyang nararating na laban upang depensahan niya ang kanyang welterweight title laban kay Joshua Clottey sa darating na ika-13 ng Marso ngayong taon. Ito ang kauna-unahang pagkakataon na dedepensahan ni Manny ang kanyang ika-7 titutlo sa boksing.

Manny at Jinkee Pacquiao sa Araw ng Mga Puso is a post from: Press Release and Article Submission!

Ngumingiting Pacquiao Habang Nasa Training (Larawan Mula sa Viva.com.ph)

Talaga namang sikat ang laban ng pinoy na boksingero na si Manny “Pacman” Pacquiao at ng Ghanna at Olympic boxer na si Joshua Clottey at sinasabi ngang nakapagtala ng bagong rekord sa kasaysayan ng boksing. Nakangiting sinabi ni Bob Arum sa mga media na ang ticket ng laban nila ay paubos na at kokonti na lamang ang naiiwan. Mahigit 30,000 tickets na ang nabenta sa ngayon pa lamang at inaasahang mga higit kumulang 65,000 tickets ang maaring mabenta para sa laban kung magpapatuloy ang hatak nito sa mga boxing fans. Sinabi niya din na marami pa ang mga naghahangad na madagdagan ang sitting capacity ng laro. Kung matatandaan ang laban ay gaganapin sa daring na Marso atrese sa Cowboys Stadium sa Arlington, Texas.

Ang mga latino fans daw ang siya pangunahing nag-uudyok kay Bob Arum na pagbigyan sila na mapanood ang bakbakang Pacquiao-Clottey.

Hanga si Bob Arum sa mga Pinoy na lalaban sa Pinoy Power III

Samantala naman ay bumisita si Bob Arum sa Wild Card Gym upang matunghayan ang puspusang paghahanda nina Bernabe Concepcion at Gerry Peñalosa na kasama sa laban sa darating na linggo sa Pinoy Power III sa Las Vegas bilang mga undercard fights ng labang Donaire vs. Guerrero. Sinabi niyang talagang hindi kapanipaniwala ang kakayanan ng mga Filipino subalit kitang-kita sa kanilang ginagawang training ang determinasyon na makamit ang karangalan sa kanilang darating na laban.

Ticket Para sa Labang Pacquiao vs. Clottey Paubos Na is a post from: Press Release and Article Submission!

Pacquiao sa Texas (AP)

Hindi na makikisabay ang amerikanong boksingero na si Floyd Mayweather Jr. sa araw ng laban ni Manny Pacquiao sa darating na Marso. Ito ay matapos na katigan ng HBO PPV ang labang Pacquiao-Clottey kaysa sa kay Mayweather na hanggang ngayon ay wala pang napipiling katunggali. Kung matatandaan ay hindi na natuloy ang bakbakang Mayweather-Pacquiao dahil sa hindi pagkakasundo ng dalawang kampo sa paraan ng drug testing.

Napabalita din na maaring ilaban si Mayweather kay “Sugar” Shane Mosley sa Mayo uno, na kung saan ay lalaban sana kay Andre Berto sa ika-30 ng Enero subalit hindi rin natuloy dahil sa pag-atras ng kanyang katunggali.

Sa pagkapanalo ng kampo ni Pacman sa karapatan para sa HBO coverage ay nagpapatunay lamang kung gaano kasikat ang pinoy na boksingero na’to. Ang Pacquiao vs Clottey “The Event” na laban ay gaganapin sa ika-13 ng Marso sa Cowboys Stadium sa Arlington, Texas. Ito ang kauna-unahang world title fight na mangyayari sa kasaysayan ng pangunahing US sports stadium. Inaasahang mahigit 4,000 na manood ang tutunghay sa nalalapit na bakbakan.

Pacquiao Panalo sa HBO PPV Versus Mayweather is a post from: Press Release and Article Submission!

Pacquiao sa Press Conference sa Cowboys Stadium, Texas

“Para akong football player,” sambit ng pinoy na kampeon ng boksing na si Manny Pacquiao kahapon sa press conference sa Cowboys Stadium sa Arlington, Texas para sa nalalapit na laban niya kay Joshua Clottey. Ito ang kanyang pambungad na panalita sa nasabing presscon na nagdulot ng ngiti at halakhak sa mga manonood. Ang nasabing kaganapan ay hudyat ng umpisa nang promosyon ng laban na inaasahang gaganapin sa naturang lugar ding yun sa darating na ika-13 ng Marso ngayong taon.

Kanya ring binigyang puri ang kanyang makakalaban at sinabi sa mga manonood na talagang puspusan ang kanyang training dahil inaasahan ng kampo nila na mahirap at malaki ang kanyang makakalaban.

Samantalang si Clottey naman ay nagsabi na alam niya kung anong klaseng kalaban si Pacquaio at kanya ring inamin na ang pound for pound king ay isa sa mga boksingero na gusto nya ang istilo sa pakikipagbakbakan.

Kung gusto niyong mapanood ang nasabing press conference, tunghayan ang sumusunod na video na mula sa Youtube:

Pacquiao – Clottey PressCon sa Texas is a post from: Press Release and Article Submission!

Pacquiao vs Mayweather Tapos na!

Sa kabila ng pagpapahay ng Top Promotions – ang promoter ni Manny Pacquiao na ilalaban na si Pacquiao kay Joshua Clottey sa darating na ika-13 ng Marso ngayong taon sa Dallas, nagpapahayag pa rin ang kampo ni Mayweather ng interest na labanan pa rin ang kampeon na pinoy sa boksing. Ito ay kahit na sinasabi na ni Bob Arum na wala na talagang pag-asang magkasundo ang dalawang kampo upang ipagpatuloy ang laban. Iginigiit ng Golden Boy Promotions CEO na si Richard Schaefer na maaring natuloy ang laban kung ipinaalam lang daw kay Pacquiao ang kasunduan na 14 na araw bago ang laban ang hinihingi na lang ng kanilang kampo na gawin ang drug test na huling nabalita na 24 araw daw.

Sinabi pa rin ni Bob Arum na tumanggi daw si Pacquiao sa ganitong kasunduan at nakapag-moved on na sila kaya inayos na lamang nila ang away na Pacquiao-Clottey.

Kung matatandaan, unang nabalita na ipinapalabas ng kampo ni Mayweather na maaring gumagamit si Pacquiao ng performance-enhancing drugs (PED) upang manalo sa kanyang malaban. Kung saan ito ay matinding tinutulan ng boksingero at sa katotohanan nga ay hinabla niya ang mag-amang Mayweather sa Las Vegas, Nevada dahil sa akusasyon na’to.

Mayweather Gustong Labanan Pa Rin Si Pacquiao is a post from: Press Release and Article Submission!

Clottey vs Pacquiao

Sa kadahilanang hindi na tuloy ang inaabangang laban nina Manny Pacquiao at Floyd Mayweather Jr., maraming mga pangalan ang lumulutang upang maging katunggali ng itinuturing na Pambansang Kamao ng Pilipinas sa darating na Marso. Una nang naibalita na si Yuri Foreman – ang kasalukuyangang WBA light middleweight champion, ang isa sa maaring makalaban niya. Ngayon naman ay lumalakas ang ugong na posibleng maglaban sila ni Joshua Clottey – ang dating IBF welterweight champ.

Ayon sa adviser ni, Pacquiao na si Mike Koncz, hindi na si Foreman ang nasa unang option na posibleng makalaban ng pinoy ring icon. Si Foreman na may perpektong tala na record na 28-0, 8KOs, na isang Israeli-born na boxer na nakabase sa New York, ay may taas na 5’11″ at reach na 183 cm.

Si Clottey naman ay ipinanganak sa Ghana at ngayon ay nasa New York, USA na rin naninirahan. May taas lamang siyang 5’8″. Kung matatandaan, si Joshua Clottey na matalang record na 35-3, 20 KOs ay ang huling nakalaban ni Miguel Cotto, bago niya hinarap si Pacquiao.

Sinasabing ang Clottey at Cotto na laban ay kontro­bersiyal dahil marami ang opinyon na lumalabas na ang Ghanaian boxer daw ang dapat na nanalo sa split decision at hindi ang Puerto Rican na boksingero.

Kahapon ay lumabas sa Facebook account ng Top Rank Promotions ang pagkumpirma ng nasabing laban. Pero, maka­lipas lamang ng ilang oras ay inalis ang post na’to.

Ito ay maaring isinasagawa pa lamang ang negosasyon hinggil sa naturang laban.

Pacquiao at Clottey Maaring Maglaban is a post from: Press Release and Article Submission!

Pacquiao vs. Mayweather Isyu

Si Floyd Mayweather Jr. at Manny Pacquiao ay maglalaban hindi sa ring kung hindi sa korte pagkatapos na kasuhan ng huli ang kampo ni Mayweather sa hukuman ng Las Vegas kaugnay ng isyu tungkol sa pasaring na ipinalalabas na gumagamit ng droga si Pacquiao para gumanda ang kanyang laban. Kasama sa kanyang $75,000 na habla sina Floyd Mayweather Sr.  (tatay ni Floyd Jr.) at tito nya na si Roger Mayweather. Nagsimula ang ganitong kaguluhan sa negosasyon sa labang Pacquiao vs. Mayweather ang pagdedemand ng kampo ng huli sa isang istriktong pagkuha ng drug test at mga komento sa mga interview ng mga nahabla. Dahil dito ay nagalit ng husto si Manny Pacquiao na ang kasikatan ay nagmula sa malinis niyang pagkuha ng tatlong titulo. Kahit si Bob Arum na nag-umpisa ng negosasyon ng laban ay naniniwalang hindi na talaga matutuloy ang laban ngayon ika-13 ng Marso. 

Bilang isang pinoy at nanabik sa labang Pacquiao at Mayweather, ako ay pumapanig sa desisyon ni Pacquiao. Dapat ay proteksyonan niya ang kanyang karangalan na kay tagal din niyang iningatan at pinagsikapan. Ang kanyang narating ngayon ay bunga ng kanyang paghihirap at hindi dapat masira ng pasaring o iresponsableng akusasyon na tulad na ito. Ang masasabi ko lang sa mga Mayweather, “Buti nga!” – mula sa Sikat ang Pinoy.

Mayweather Kinasuhan ni Pacquiao – Wala ng Laban? is a post from: Press Release and Article Submission!

Pacquiao vs. Mayweather Hindi na Tuloy!

Sa kabila ng pananabik ng mga boxing fans sa buong mundo para sa labang Manny Pacquiao at Floyd Mayweather Jr. ay mauudlot yata ang inaabangang laban ng dalawa na unang ipinahayag na sa ika-13 ng Marso 2010 gaganapin. Ito ay sa kadahilanang hindi nagkasundo ang dalawang kampo sa paraan ng pagkuha ng drug test. Nais ng kampo ni Mayweather na gamitin ang mas strikto na pamamaraan ng WADA (World Anti-Doping Agency) sa drug test. Ito ay hindi pangkarinawang ginagawa sa mga kaganapan sa professional boxing at ito ay tinutulan ng kampo ni Pacquiao. Naniniwala siya na maaring manghina siya sa laban kung saka-sakaling ganapin ang test bago ang laban. Subalit pumayag siya na gawin ito tatlumpung araw bago ang away at pagkatapos ng away. Subalit hindi ito ang gustong kasunduan nina Mayweather. May mga paratang kasi ang kampo nila na maaring gumagamit si Pacquiao ng performance-enhancing drugs kung kaya na-abot niya ang kanyang pinaparoonan.

Dahil sa ganitong mga paratang ay nagpaplano na sina Pacman na kasuhan ng libelo ang kampo ni Mayweather pati na ang Golden Boy Promotions. Dahil nga hindi na tuloy ang laban nila, si Bob Arum ay nakikipagusap na sa kampo nina Paulie Malignaggi upang pumalit kay Mayweather.

Samantala, ito ang report ng ABS-CBN na naglalaman ng reakson ng People’s Champ tungkol sa pangyayari sa labang ito:

Pacquiao vs. Mayweather Hindi na Tuloy! is a post from: Press Release and Article Submission!

Pacquiao versus Mayweather

Ang tinaguriang hari ng boksing sa anumang kategorya ng bigat at bayani ng masang Pilipino na si Manny “Pacman” Pacquiao ay maaring lumaban sa numero uno ng Amerika na si Floyd Mayweather Jr. Ito ay pagkatapos na sabihin ni Bob Arum na pinaplantsa na lang nila ang kasunduan sa pagitan ng dalawang boksingero. Pagkatapos ng laban ni Pacquiao kay Cotto nung nakaraang Nobyembre ng kasalukuyan, marami na ang naghihintay sa labanang Mayweather at Pacquiao at dahil dito ay gumalaw na ang bawat grupo upang masakatuparan ang tinuturing na “pinakamayamang” laban na magaganap sa balat ng boksing.

Nabalita rin ngayon sa Inquirer.net na nagkasundo na sila sa hatiang $25 milyon bawat isa (mga humigit kumulang 1.15 bilyong piso). Sa kadahilanang ito ay talagang maghihintay na lamang tayo kung ano ang petsa at kung saan gaganapin ang larong ito. Unang napabalita na sa ika-13 ng Marso ang maaring petsa ng laban subalit sa kadahilanang tatakbo bilang kongressman si Pacquiao sa Saranggani, maaring hindi ito maganap at marahil sa Setyembre na lamang ito.

Ang larong ito ay itinuturing na pinakalamaking laban na haharapin ng bayani ng Pinoy sa larangan ng boksing na si Manny Pacquiao. Kahit siya mismo ay inaaming ito ay napakagandang paglalaban. Sa laban ding ito mapapatunayan kung sino talaga ang pinakamagaling.

Sa ganang akin, si Pacquiao pa rin ang siyang magtatagumpay sa labang ito at kahit ano pa man ang mangyari, hindi na mawawala ang karangalang naibahagi niya sa sambayanang Pilipino. Ito ay isang bagay na hindi na mawawaksi sa isip ng bawat pinoy na kahit saang panig man ng mundo.

Manny Pacquiao at Floyd Mayweather Jr. Maaring Maglaban is a post from: Press Release and Article Submission!