Kadena De Suman ng Pampanga

Kilala ang mga pinoy sa pagkakaroon ng maraming masasarap na kakanin. Isa dito ay ang suman. Ang suman ay isang kakanin na gawa mula sa malagkit na kanin na niluto sa gata, at madalas inii-steamed sa dahon ng saging. Kamakailan nga ay ipinarada sa Pampanga ang tinatawag na kadena-de-suman na kung saan ay pingdugtong-dugtong ang mga suman at umabot ito ng 350 metro ang haba.

Ayon kay Mayor Yolly Pineda, ang paglalatag ng 350 metro ng suman o limang libong suman na pinagkabit-kabit ay isa lamang paghahanda sa mas malaking proyekto para sa nasabing kakanin. Plano ng lungsod na ipasok sa Guinness World Record ang kadena-de-suman bilang pinakamahabang suman sa mundo sa 2010.

Maliban dito, itinuturing din ng pamahalaan ng lungsod ang kadena-de-suman bilang simbulo ng pagkakaisa ng mga mamamayan.Tatlong buwan ang ginugol ng bayan sa paghahanda sa pinakamahabang suman na kung saan ay sampung barangay ng lungsod ang lumahok. Matapos ang ginawang pagparada sa suman, nagpista ang may halos 5,000 tao na nakibahagi sa promosyon ng nasabing kakanin.

Kadena-de-Suman sa Pampanga is a post from: Press Release and Article Submission!

Puto Bumbong at Bibingka

Malapit na naman ang Pasko at kasabay nito ay ang simbang gabi sa Pilipinas na kung saan ay karaniwang nagaganap ilang araw bago ang noche buena. Kasabay rin nito ang pag-usbong ng maraming umuusok na kalan sa gilid ng mga daanan. Sa Pilipinas lamang ninyo malalasahan ang mga pagkaing espesyal na niluluto sa ganitong kapanahuna. Ang puto bumbong at bibingka ang pinaka-popular sa ganitong panahon.

Ang puto bumbong ay gawa sa malagkit na bigas na karaniwang binabalot sa dahon ng saging at niluluto sa loob ng bumbong na gawa sa kawayan. Ang kulay ube nato na kakanin ay mas masarap kainin na may kasamang kinudkod na niyog at asukal. Samantalang ang bibingka naman ay gawa sa galapong na kung saan ay niluluto sa pamamagitan ng espesyal na luwad na lutuan na may baga sa itaas at sa ilalim. Pagkatapos ay nilalagyan ito ng kesong puti at itlog na maalat atsaka pinapahiran ng mantikilya. Mas masarap itong kainin ng may niyog o kaya ay asukal sa ibabaw.

Ang dalawang kakanin nato ay orihinal na lutong Pinoy at ito ang isa sa mga pagkaing hinahanap-hanap ng mga kababayan nating nangibang-bayan. Kung kaya ikaw na nandito sa Pilipinas, tangkilin natin ang pagkaing atin at namnamin ang sarap ng pagkaing Pinoy. Para sa paraan ng pagluto ng mga pagkaing (recipe) ito, marahil ay tunghayan ninyo na lamang ang espesyal na pahina na patungkol sa pagkaing Pilipino sa g mga  sa susunod na mga araw.

Puto Bumbong at Bibingka: Pagkaing Pinoy sa Pasko is a post from: Press Release and Article Submission!