Pinoy Election 2010

Umpisa na ng malawakang kampanya bukas ng mga politiko para sa pambansang eleksyon sa darating na Mayo ngayong taon. Isa’t isa ng nag-uumpisang ihanda ang iba’t-ibang kagamitan mula sa brochure, streamer at mga pins na ipamamahagi sa mga taga-suporta ng mga kandidato.

Bago ang ganitong kaganapan ay nagkaroon ngayong araw ng “Inquirer First Edition: Presidential Debates” sa UP Diliman na kinalalahukan ng mga kandidato sa pagka-pangulo maliban lamang kay dating pangulong “Erap” Estrada.

Kasbay din nito ngayong araw ay nag-umpisa ng mag-imprinta ang COMELEC ng mga balota na gagamitin nila sa pagsasanay sa mga kawani ng pamahalaan at mga guro para sa darating na botohan. Nagpalabas din sila ng paalala at babala sa mga tatakbo na babantayan nila ang mga gagastusin ng mga kakandidato at kanila ding inihayag na lilimitahan na ang mga “political campaign ads” ng mga kandidato sa pag-uumpisa ng opisyal na kampanya.

Bawat isa sa mga politiko ay may mga gimik na gagawin upang makahatak ng mga pinoy na maglalagak sa kanila sa puwesto. Nawa’y maging matalino sana ang mga pinoy sa pagpili ng mga taong huhubog sa kanilang kinabukasan.

Opisyal na Kampanya Para sa Eleksyon 2010 Umpisa Na is a post from: Press Release and Article Submission!

ABS-CBN COO Charo Santos – Concio

Ang Philippine Association of Communication Educators Foundation (PACE) at ABS-CBN Broadcasting Corporation ay nagsamang muli upang ganapin ang ika-5 Pinoy Media Congress sa Pilipinas na may tema patungkol sa politika, media at pagkamamamayan. Ang nasabing kaganapan ay mangyayari mula sa ika-4 hanggang ika-6 ng Pebrero ngayong taon sa Bulwagang Balagtas, NALLRC Bldg., Polytechnic University of the Philippines, Sta. Mesa, Manila.

Ang tema ng Pinoy Media Congress ay masasabing napapanahon lalo na ay pumapasok na ang bawat pinoy sa panahon ng halalan. Mas tutok ang paksa sa politika, relasyon at responsibilidad ng kabataang pinoy ngayon sa nalalapit na eleksyon 2010.

Maliban sa top executives ng ABS-CBN na pinangungunahan ng Chairman at CEO na si Gabby Lopez, Presidente at COO na si Charo Santos – Concio, Head of News and Current Affairs at ANC na si Maria Ressa, mga kilalang mamamahayag, TV at movie personalities, ang PACE ay nanganyaya ng iba pang bihasa sa pananaliksik, pelikula, advertising at pamamahayag mula sa mga unibersidad at iba pang organisasyon ng media upang magbigay ng lecture at talakayan.

Ang Pinoy Media Congress ay nanalo ng Award of Excellence mula sa Philippine Quill Awards at Award of Excellence mula naman sa Anvil Awards noong 2008.

Pinoy Media Congress 2010 Pokus sa Eleksyon is a post from: Press Release and Article Submission!