Joshua Clottey

Ang Ghana native na si Joshua Clottey na makakalaban ng pinoy boxing superstar na si Manny “Pacman” Pacquiao ay puspusan na ang ensayo bilang paghahanda sa nalalapit na Pacquiao vs. Clottey “The Event” na kung saan ay gaganapin sa ika-13 ng Marso (ika-14 ng Marso sa Pilipinas). Kanyang ipinahayag sa isang interview na inaamin niya na talagang magaling si Pacquiao at siguradong mahihirapan siya sa pakikipaglaban dito. Sinabi din niya na isa si Pacman sa mga idolo niyang boksingero.

Sa kabila nito ay sinabi niya pa rin na kaya niyang makipagsabayan sa lakas ng pinoy na’to at kaya niyang matalo ito. Ang kanyang pagsasanay ay masasabing isa sa dahilan kung bakit maaring niyang magbigay ng mahirap na bakbakan.

Ang Pacquiao vs. Clottey ay gaganapin sa Cowboys Stadium sa Arlington, Texas at mapapanood ng live sa HBO channel. Sa kasalukyan ay hindi pa inihahayag sa Pilipinas kung anong channel (GMA 7 o ABS-CBN) ang magko-cover ng nasabing laban.

Balitang Pacquiao vs Clottey: Joshua Clottey Puspusan na Ang Ensayo! is a post from: Press Release and Article Submission!

Pinoy Power 3 (Boksing)

Panalo ang ating pinoy na boksingero na si Bernabe Concepcion sa 10-round na laban niya sa Pinoy Power 3 / Latin Fury 13 ngayong araw. Pumanig ang lahat ng mga judges ng nasabing laban kay Concepcion pagkatapos na magtala siya ng halos lahat ng puntos sa bawat round ng laban. Tinalo niya ang kanyang kalaban na si Mario Santiago ng Puerto Rico. Ang nasabing laban ay walang titulo subalit ito ay kanyang daan para makalaban sa Juan Manuel Lopez (28-0 25KOs) para sa world champion title.

Sadyang matibay ang kanyang kalaban subalit napatumba niya to sa maagang round. Kahit na nakabawi pa si Santiago ay patuloy pa ring dominahin ang lahat ng round. Talagang umaatikabong bakbakan ang nangyari at makikita mo ang bunga na kanyang pagsisikap. Pagkatapos ng panalo na ito ay inaasahan na ng marami ang paglalapit ng labang Juan Manuel Lopez vs. Bernabe Concepcion.

Sa kasalukuyan ay nakikipaglaban pa ang ibang pinoypara sa karangalan ng bansang Pilipinas sa larangan ng boksing.

Mabuhay ka Bernabe! Sikat Ang Pinoy!

Bernabe Concepcion Wagi Laban Kay Mario Santiago sa Pinoy Power 3 is a post from: Press Release and Article Submission!

Manny at Jinkee Pacquiao

Marahil ay nagtataka kayo kung ano kaya ang gagawin ng Pinoy boxing idol natin na si Manny “Pacman” Pacquiao sa darating na araw ng mga puso. Patuloy kaya siyang magsasanay para sa laban ni kay Joshua Clottey o magsasaya? Eto ang kasagutan. Alam niyo ba na ang kanyang pinakamamahal na asawa na si Jinkee Pacquiao ay lumipad patungong Los Angeles sa Amerika upang makasama niya si Pacman sa darating na Valentines Day.

Kasama ni Jinkee sa pagpunta sa Amerika ang kanyang kakambal na kapatid na si Janet.

Sinasabing magba-Valentines ang mag-asawa sa California subalit wala pa silang maliwanag na plano. Napabalita din na magkakaroon si Manny “Pacman” Pacquiao ng espesyal na Valentines show ngayong linggo.

Si Pacquiao ay nasa Amerika ngayon at nagsasanay para sa kanyang nararating na laban upang depensahan niya ang kanyang welterweight title laban kay Joshua Clottey sa darating na ika-13 ng Marso ngayong taon. Ito ang kauna-unahang pagkakataon na dedepensahan ni Manny ang kanyang ika-7 titutlo sa boksing.

Manny at Jinkee Pacquiao sa Araw ng Mga Puso is a post from: Press Release and Article Submission!

Ngumingiting Pacquiao Habang Nasa Training (Larawan Mula sa Viva.com.ph)

Talaga namang sikat ang laban ng pinoy na boksingero na si Manny “Pacman” Pacquiao at ng Ghanna at Olympic boxer na si Joshua Clottey at sinasabi ngang nakapagtala ng bagong rekord sa kasaysayan ng boksing. Nakangiting sinabi ni Bob Arum sa mga media na ang ticket ng laban nila ay paubos na at kokonti na lamang ang naiiwan. Mahigit 30,000 tickets na ang nabenta sa ngayon pa lamang at inaasahang mga higit kumulang 65,000 tickets ang maaring mabenta para sa laban kung magpapatuloy ang hatak nito sa mga boxing fans. Sinabi niya din na marami pa ang mga naghahangad na madagdagan ang sitting capacity ng laro. Kung matatandaan ang laban ay gaganapin sa daring na Marso atrese sa Cowboys Stadium sa Arlington, Texas.

Ang mga latino fans daw ang siya pangunahing nag-uudyok kay Bob Arum na pagbigyan sila na mapanood ang bakbakang Pacquiao-Clottey.

Hanga si Bob Arum sa mga Pinoy na lalaban sa Pinoy Power III

Samantala naman ay bumisita si Bob Arum sa Wild Card Gym upang matunghayan ang puspusang paghahanda nina Bernabe Concepcion at Gerry Peñalosa na kasama sa laban sa darating na linggo sa Pinoy Power III sa Las Vegas bilang mga undercard fights ng labang Donaire vs. Guerrero. Sinabi niyang talagang hindi kapanipaniwala ang kakayanan ng mga Filipino subalit kitang-kita sa kanilang ginagawang training ang determinasyon na makamit ang karangalan sa kanilang darating na laban.

Ticket Para sa Labang Pacquiao vs. Clottey Paubos Na is a post from: Press Release and Article Submission!

Z "The Dream" Gorres Suporta sa Pinoy Power 3

Halos 2 buwan na nahospital ang kilalang pinoy na boksingero na si ZC Oliveros “the Dream” Gorres at sa wakas ay makakabalik na siyang muli sa Pilipinas at ito ay inaasahang pagkatapos ng Valentines Day. Tatapusin niya muna ang Pinoy Power 3 na gaganapin sa ika-13 ng Pebrero sa Las Vegas bago umuwi ng bansa.

Kung maalala niyo si Z Gorres ay naratay sa ospital pagkatapos ng 10-round na laban niya kay Luis Melendez noong Nobyembre. Kung hindi sana nangyari ang hindi inaasahang insidente na ito ay isa sana si Gorres sa lalaban sa ikatlong Pinoy Power.

Manonood si Z Gorres malapit sa ring side ng mga pinoy na boksingero na lalaban sa mga Latino bilang pagsuporta sa mga ‘to. “Good luck talaga, good luck sa kanila. Dapat hindi magkumpiyansa at panalangin sa Panginoon,” sabi niya kay Bev Llorente ng ABS-CBN North America News Bureau.

Maraming mga pinoy ang nagbahagi ng kanilang tulong kay Gorres at nakalikom ng halos $8,000 bilang tulong sa kanya.

Z Gorres Balik Pilipinas Tapos ng Valentines is a post from: Press Release and Article Submission!

Manny Pacquiao - Fighter of the Decade

Ang sikat na pinoy na boksingero na si Manny “Pacman” Pacquiao ay tinaguriang “Fighter of the Decade” (2000-2009) ng Boxing Writers Association of America (BWAA). Ang karangalan na’to ay nadagdag sa listahan ng karangalan ni Pacquiao at ni hindi man lamang umubra ang mga matutunog na pangalan sa larangan ng boksing na sina Joe Calzaghe, Bernard Hopkins, Floyd Mayweather Jr., Shane Mosley, Juan Manuel Marquez at Marco Antonio Barrera.

Pangungunahan ni Pacquiao ang pagtanggap ang mga honorees na inimbitahan para tanggapin ang awards sa ika-11 ng Hunyo sa New York kasabay ng 85th annual banquet ng BWAA. Sa pagkakataon ding yon ay tatanggap muli siya ng Sugar Ray Robinson trophy. Sa loob ng apat na taon ay ikatlong pagkakaton siyang nakatanggap ng nasabing trophy.

Sa gayong ding okasyon ay tatanggap din si Freddie Roach ng Futch award bilang trainer of the year. Nanalo rin siya noong 2003, 2006 at 2008. Mula 2001 ay nasa likod na ni Pacquiao si Roach at itinuturing na mahala­gang haligi sa tagumpay ng boksingero.

Manny Pacquiao Tinuring na Fighter of the Decade is a post from: Press Release and Article Submission!

Gerry Peñalosa (R) at Manny Pacquiao (L)

Ang dating kampeon na si Gerry Peñalosa at kapwa pinoy na boksingero na si Bernabe Concepcion ay mabibigyan ng pagkakataon upang mapatunayan ang kanilang kakayahan sa darating na labanan sa Top Rank’s card na tinaguriang Pinoy Power III na gaganapin sa Hilton, Las Vegas sa darating na ika-13 ng Pebrero (Pebrero 14 sa Pilipinas).

Sa kabila ng edad ni Peñalosa na 37 ay wala pa rin sa kanyang bokabularyo ang mag-retiro sa halip ay susubukan niya pang makasungkit ng isa pang world title. Lalaban siya kay Eric Morel para sa elimination para sa WBO bantamweight title.

Samantala naman si Concepcion ay susubukan muling ibangon ang kanyang karangalan. Kung matatandaan ay natalo siya sa huli niyang laban kay Steven Luevano. Sinabi niya na natuto siya sa nakaraang laban at siguradong gagawin niya ang kanyang makakaya upang makamit ang tagumpay.

Ang Pinoy Power 3 ay ipapalabas sa ABS-CBN sa ika-14 ng Pebrero sa Pilipinas na kung saan ay itatampok si Nonito “The Filipino Flash” Donaire laban kay Gerson “El Nene” Guerrero ng Mexico para sa interim World Boxing Association super flyweight title at Ciso “Kid Terrible” Morales naman laban kay Fernando Montiel for the WBO bantamweight crown.

Peñalosa, Concepcion Babanat sa Pinoy Power 3 is a post from: Press Release and Article Submission!

Tamara Naagaw ang Korona Kay Viloria

Kahapon ay natapos ang umaatikabong bakbakan sa pagitan ng Filipino-American na boksingero na si Brian Viloria at ni Carlos Tamara ng Colombia. Naagaw ni Tamara ang korona mula kay Viloria pagkatapos na itigil ni Referee Bruce McTravish ang laban ng 1:45 ng 12th round.

Sa paguumpisa ng laban ay kitang-kita ang lamang ni Viloria hanggang sa ikapitong round subalit ng nauubusan na siya ng hangin sa naiwang round at doon bumanat ng husto ang bagong kampeon. Hanggang sa ika-12 round nga ay hindi na nakuhang dumepensa si Viloria kung kaya’t itinigil na lamang ng referee.

Sa kabila ng kabiguaan ng Pilipinas sa labang ito ay tatlo sa mga pinoy ang nagwagi. Sila sina, Donnie “Ahas” Nietes na lumaban kay Jesus “Negrito” Silvestre, Jimrex Jaca na tinalo ang Indonesian na boksingero na si Ramadhan Weriu at si Jason Pagara na lumaban kay Eddy Comaro ng Indonesian rin at nanalo sa majority decision.

Samantala may isa pang pinoy boxer ang nagpakitang gilas sa kaganapan ding yon sa kaunaunahan niyang salang sa professional boxing. Siya si Dodie Boy Peñalosa Jr., ang anak ng dating kampeon na kapareha ng kanyang pangalan.

Viloria Talo Kay Tamara, 3 Pinoy Wagi is a post from: Press Release and Article Submission!

Viloria vs Tamara - Ang Opisyal na Weigh-in

Ngayon ang araw na itinakda ng paglalaban ng pinoy na kampeon na si Brian “The Hawaiian Punch” Viloria at ng challenger na si Carlos Tamara ng Colombia. Parehong pasado sa itinakdang timba ang dalawa matapos na sila ay isalang sa opisyal na weigh-in kahapon ng umaga sa Manila Hotel.

Sa labang ito ay nakataya ang IBF (International Boxing Federation) light flyweight crown ng pinoy laban sa Olympian na manlalaro na taga-Colombia. Ang laban ay tinaguriang Collission Course na gaganapin ngayonng araw sa Cuneta Astrodome sa lungsod ng Pasay.

Samantala ang WBO minimum weight champion na si Donnie “Ahas” Nietes at Mexican Jesus Silvestre ay maglalaban para sa undercard match ng kaganapan.

Ng timbangin sila kahapon ay tumimbang si Viloria ng 108 lbs samantalang sumobra ng bahagya ang kay Tamara kung kaya’t napilitan ang huli na mag-jogging at magpapawis muna sa labas ng Manila Hotel upang pumasok ang kanyang timbang sa limit. Kanya namang nagawa ito sa kanyang pagbalik.

Inaasahang magandang bakbakan ang mangyayaring Viloria vs Tamara na paghaharap sa kadahilanang alam ng marami na ang matangkad at batang si Tamara ay gutom sa world title at talagang sumalang sa matinding pagsasanay.

Kahit si Viloria ay naniniwala na ang labanan nila ay maaring umabot hanggang 12 rounds.

Viloria Lalaban Kay Tamara Ngayon is a post from: Press Release and Article Submission!

Pacquiao sa Texas (AP)

Hindi na makikisabay ang amerikanong boksingero na si Floyd Mayweather Jr. sa araw ng laban ni Manny Pacquiao sa darating na Marso. Ito ay matapos na katigan ng HBO PPV ang labang Pacquiao-Clottey kaysa sa kay Mayweather na hanggang ngayon ay wala pang napipiling katunggali. Kung matatandaan ay hindi na natuloy ang bakbakang Mayweather-Pacquiao dahil sa hindi pagkakasundo ng dalawang kampo sa paraan ng drug testing.

Napabalita din na maaring ilaban si Mayweather kay “Sugar” Shane Mosley sa Mayo uno, na kung saan ay lalaban sana kay Andre Berto sa ika-30 ng Enero subalit hindi rin natuloy dahil sa pag-atras ng kanyang katunggali.

Sa pagkapanalo ng kampo ni Pacman sa karapatan para sa HBO coverage ay nagpapatunay lamang kung gaano kasikat ang pinoy na boksingero na’to. Ang Pacquiao vs Clottey “The Event” na laban ay gaganapin sa ika-13 ng Marso sa Cowboys Stadium sa Arlington, Texas. Ito ang kauna-unahang world title fight na mangyayari sa kasaysayan ng pangunahing US sports stadium. Inaasahang mahigit 4,000 na manood ang tutunghay sa nalalapit na bakbakan.

Pacquiao Panalo sa HBO PPV Versus Mayweather is a post from: Press Release and Article Submission!