Ronnie Alcano sa 1st World Team Pool Championships

Ang koponan ng Pilipinas ay nakapasok sa last 8 o quarterfinals ng kauna-unahang World Team Pool Event na ginaganap ngayon sa Hannover, Germany. Ipinakita ng mga pinoy na mga manlalaro ang kanilang kabihasaan sa larangan ng pool sa pamamagitan ng pangingibabaw sa 8-ball laban sa Norway.

Ang team ng two-time champion na si Ronnie Alcano at dating Asian na hari ng snooker na si Marlon Manalo ay tinalo ang kanilang mga karibal, sa score na 6-5, habang ang mga pares naman nina Lee Van Corteza at Warren Kiamco ay nagtala ng 6-3 upang manalo.

Sa 9-ball naman ay nagtala ng 8-2 na tagumpay si Alcano laban kay Vegar Kristiansen samantalang si Perry Mariano ay nakatala ng iskor na 7-1 laban kay Tommy Wolf sa 10-ball upang maselyohan ang pagkanalo ng mga pinoy.

Sa susunod na round ay makakasama na ang team Pilipinas sa linya ng mga manlalaro na nagmula sa mga bansang Poland, Russia, Great Britain, Tsina, Switzerland, Gresya at Alemanya.

Ayon sa mga Pinoy cue artists, ang Tsina at Great Britain ang mga mahigpit nilang makakalaban sa susunod na round ng laro subalit naniniwala din sila na maaring mag-champion ang grupo.

Mabuhay kayo at sana ay magbigay pa kayo ng maraming karangalan sa ating bansa. Kaya yan!

Pinoy Team Pasok sa Quarterfinals ng Kauna-unahang World Team Pool Championship is a post from: Press Release and Article Submission!

Efren "Bata" Reyes, 10-Ball Champion

Ang sikat na pool master na si Efren “Bata” Reyes ay muli namang humakot ng karangalan (at dolyar) sa katatapos lamang na FatBoy 10-Ball Challenge sa Indiana sa Estados Unidos. Kanyang pinakita ang kanyang kakaibang talento sa larangan ng bilyar laban kay Brandon Shuff. Si Reyes na tinaguriang “The Magician” ay nag-uwi ng $6,500  mahigit P300,000. Samantalang ang kanyang katunggali ay umiwi lamang ng $3,250.

Naglaro ang pinoy na master sa ilalim ng banner ng Puyat Sports.

Sa kanyang pagpunta sa finals ay natalo niya ang mga international at sikat na manlalaro na galing US na sina Johnny “alakdan” Arche at yun nga ang huli ay si Schuff.

Samantala, sa Derby City Classic, One Pocket-division, dating numero uno sa buong mundo na si Francisco “Django” Bustamante, ay nagtapos ng ikatlong puwesto at nakakuha ng $ 2,500 bilang  premyo.

At mga karangalan na nakamit ng Filipinong ito ay magpapatunay lamang ang pagiging world class ng mga kakayahan ng ating mga manlalaro. Sadyang sikat ang pinoy kahit saan at kahit kailanman.

Efren “Bata” Reyes Wagi sa 10-Ball Challenge is a post from: Press Release and Article Submission!

Efren "Bata Reyes" at Rubilyn Amit

Isa na namang napakalaking karangalan ang dinala ng dalawang Pilipinong manlalaro ng bilyar sa Pilipinas. Si Efren “Bata” Reyes at Rubiliyn Amit ay nagtagumpay sa 10-ball World Mixed Double nung nakaraan ng Huwebes ng gabi (Dec. 3) sa Novu City sa Libis, Lungsod ng Quezon laban sa koponan na nagmula sa bansang Korea. Natapos ang laro sa iskor na 9-7 pabor sa mga pinoy billiard masters. Ang mga iba pang bansang lumahok sa paligsahan na ito ay ang Japan, USA at ang Europe.

Isa lamang ito sa mga maraming mga karangalang na nakamit ni Efren Reyes. Ngayong taon ay nanalo din sya sa isang paligsahang halos katulad ng nabanggit ngunit si Django Bustamante ang kanyang kasama dito.

Ang bilyar o pool ay isa sa mga isports na kung saan ang Pilipinas ay namamayagpag. Marami sa mga pinoy na manlalaro ang sumikat sa ganitong isports kabilang na sina Ronnie Alcano, Django Bustamante at Efren Reyes.

Efren “Bata” Reyes at Rubilyn Amit Tagumpay sa Bilyar is a post from: Press Release and Article Submission!