Bakbakang Pacquiao - Clottey Malapit na!

Talaga namang nakakasabik na ang nalalapit na laban nina Manny “Pacman” Pacquiao at ni Joshua Clottey na gaganapin sa Cowboys Stadium, Arlington Texas ngayong linggo ika-14 ng Marso (Marso a-trese sa US). Ang nasabing bakbakan ay kauna-unahang pagdepensa ni Pacquiao sa kanyang Welterweight title na nakuha niya ng maglaban sila ni Miguel Cotto noong nakaraang taon. Ang inaasahan sanang laban na magaganap kaysa sa Pacquiao vs. Clottey na laban ay ang ang Mayweather vs. Pacquiao. Sa kadahilanang hindi nagkasundo ang dalawang kampo nina Pacman at ng amerikanong boksingero sa paraan ng pagkuha ng dugo para sa kakaibang drug test, hindi natuloy ang laban at sa halip ay si Clottey ang nabigyan ng pagkakataon na hamunin si Pacman.

Ngayon ay marami ang nagsasabi na hindi talaga nararapat na makalaban niya ang Ghana na native dahil siguradong patutulugin niya to. Subalit sinabi ni Pacquiao na mahihirapan siya kay Clottey dahil siguradong mabibigat ang mga suntok nito kung pagbabasehan mo ang kanyang mga nakaraang away. Si Freddie Roach, ang matagal ng trainer ni Manny ay nagsabing mapapatumba ni Manny si Joshua sa ika-9 na round.

Kung ako hayaan na lang natin na ang ring at ang boxing gloves ang magdesisyon kung sino ang nararapat na manalo sa away na’to. Siyempre ang susuportahan ko ang sariling atin. Go Pacquiao.

Para sa mga gustong manood ng laban, Watch Pacquiao vs. Clottey Live sa mga sumusunod na website:

• WatchPacquiao.info
• Watch Pacquiao vs. Clottey at Bleuken.com
• WatchBoxing.info
• Telepisodes.com
• PinoyGigs.com
• o kung hindi naman pumunta sa pinakamalapit na gym o plaza, siguradong ang mga politiko sa bayan niyo ay may nakalaang libreng wide screen coverage ng nasabing laban. Yun diba ang laging ginagawa sa Pilipinas?

Labang Pacquiao-Clottey Ngayong Linggo Na! is a post from: Sikat ang Pinoy!

Joshua Clottey

Ang Ghana native na si Joshua Clottey na makakalaban ng pinoy boxing superstar na si Manny “Pacman” Pacquiao ay puspusan na ang ensayo bilang paghahanda sa nalalapit na Pacquiao vs. Clottey “The Event” na kung saan ay gaganapin sa ika-13 ng Marso (ika-14 ng Marso sa Pilipinas). Kanyang ipinahayag sa isang interview na inaamin niya na talagang magaling si Pacquiao at siguradong mahihirapan siya sa pakikipaglaban dito. Sinabi din niya na isa si Pacman sa mga idolo niyang boksingero.

Sa kabila nito ay sinabi niya pa rin na kaya niyang makipagsabayan sa lakas ng pinoy na’to at kaya niyang matalo ito. Ang kanyang pagsasanay ay masasabing isa sa dahilan kung bakit maaring niyang magbigay ng mahirap na bakbakan.

Ang Pacquiao vs. Clottey ay gaganapin sa Cowboys Stadium sa Arlington, Texas at mapapanood ng live sa HBO channel. Sa kasalukyan ay hindi pa inihahayag sa Pilipinas kung anong channel (GMA 7 o ABS-CBN) ang magko-cover ng nasabing laban.

Balitang Pacquiao vs Clottey: Joshua Clottey Puspusan na Ang Ensayo! is a post from: Sikat ang Pinoy!

Pinoy Power 3: Donaire Wagi

Wagi na naman si Nonito Donaire Jr. laban kay Manuel Vargas upang manatili sa kanyang trono sa super flyweight title. Napatumba niya si Vargas sa ikatlong round sa pamamagitan ng magkapatid na left and right hook. Sinasabing maaring umakyat ng timbang ang Filipino flash upang sumunod sa yapak ni Manny “Pacman” Pacquiao. Samantala, hindi naman pinalad sina Ciso Morales at Gerry Peñalosa na matalo ang mga Puerto Rican na mga kalaban. Si Ciso Morales ay natumba mga ilang segundo ng pag-umpisa ng unang round ng tamaan at mapuruhan siya sa sikmura ng kalaban niyang bantamweight na kampeon na si Fernando Montiel. Ito ay malaking kasawian sa batang pinoy na boksingero.

Samantala naman ay natalo si Gerry Peñalosa sa split decision laban sa beteranong boskingero na si Eric Morel upang mabigong makamit ang pagkakataon na lumaban kay Fernando Montiel para sa championship title. Maraming naniniwala na panalo sana si Gerry subalit iyun na ang naging desisyon ng mga hurado. Maging si Pacquiao ay nagkomento sa desisyong ito.

Sa huli ay panalo pa rin ang mga Pinoy laban sa Latino sa score na 3-2. Lamang ng isang puntos lamang ang mga Filipino at siguradong may susunod pa ‘to.

Mabuhay ang mga pinoy! – Watch Boxing Online

Donaire Wagi, Morales at Peñalosa Hindi Pinalad sa Pinoy Power 3 is a post from: Sikat ang Pinoy!

Pinoy Power 3 (Boksing)

Panalo ang ating pinoy na boksingero na si Bernabe Concepcion sa 10-round na laban niya sa Pinoy Power 3 / Latin Fury 13 ngayong araw. Pumanig ang lahat ng mga judges ng nasabing laban kay Concepcion pagkatapos na magtala siya ng halos lahat ng puntos sa bawat round ng laban. Tinalo niya ang kanyang kalaban na si Mario Santiago ng Puerto Rico. Ang nasabing laban ay walang titulo subalit ito ay kanyang daan para makalaban sa Juan Manuel Lopez (28-0 25KOs) para sa world champion title.

Sadyang matibay ang kanyang kalaban subalit napatumba niya to sa maagang round. Kahit na nakabawi pa si Santiago ay patuloy pa ring dominahin ang lahat ng round. Talagang umaatikabong bakbakan ang nangyari at makikita mo ang bunga na kanyang pagsisikap. Pagkatapos ng panalo na ito ay inaasahan na ng marami ang paglalapit ng labang Juan Manuel Lopez vs. Bernabe Concepcion.

Sa kasalukuyan ay nakikipaglaban pa ang ibang pinoypara sa karangalan ng bansang Pilipinas sa larangan ng boksing.

Mabuhay ka Bernabe! Sikat Ang Pinoy!

Bernabe Concepcion Wagi Laban Kay Mario Santiago sa Pinoy Power 3 is a post from: Sikat ang Pinoy!

Mellisa aka Melai - Pinoy Big Brother Double Up Big Winner

Panalo ang lola! Si Melissa aka Melai ay kilala sa pagiging kalog, masayahin, palaban at “love interest” ni Jason. Tinuring siyang big winner ng katatapos lamang na Pinoy Big Brother Double Up. Nanalo siya at nagkaroon ng mahigit kumulang isang milyong boto mula sa mga tumangkilik ng nasabing reality show.

Pumangalawa lamang sa kanya si Paul Jake na merong sinundan naman ni Jason na nagkaroon ng 24.97% na boto.

Samantala ang ika-apat naman ay si Johan na nakakuha ng 7.94% at ang panglima ay si Tibo na nakakuha ng 7.64%.

Bukas ay matutunghayan  ang lahat ng mga kalahok sa Pinoy Big Brother Double Up sa isang malaking paghahanda na kung saan ay magre-reunion ang lahat ng miyembro ng bagong grupo na’to ng PBB.

Congratulations sa’yo Melai at sana ay magtagumpay ka pa sa iyong tatahakin. Pasikatin mo ang Pilipinas at maging sikat ang pinoy!

Panalo si Melai sa PBB Double Up! is a post from: Sikat ang Pinoy!

Pinoy Big Brother Double Up ng ABS-CBN

Oo mga kababayan ang sikat na pinoy reality shows sa ABS-CBN ay magtatapos na ngayong gabi. Sa pagbubukas ng liwayway sa araw ng mga puso at Chinese New Year ay meron ng magigising sa labas ng bahay ni “kuya” na tatanghaling “big winner” sa PPB Double up. Ngayong gabi na ipahahayag ng PBB kung sino sa limang natirang kalahok na sina Jason, Johan, Tibo, Paul Jake at Melisa ang ihihirang na big winner. Mapapanood ng live ang nasabing pagtatapos sa Ninoy Aquino Stadium sa ganap na alas-9 ng gabi.

Bago ang kaganapang ito ay nagkaroon ang natirang lima ng isang mini-concert bilang pagsasaya nila na mapabilang sa “big 5″ at pagbabalita na kuya na silang lahat ay panalo na.  Ang nasabing konsiyerto ay tinaguriang “The Big High 5 Concert.” Kung hindi niyo pa napanood ang nasabing konsiyerto, eto ang ilang mga video footage:

Ngayon, kung gusto mong mapanood ang PBB Double Big Night nang live, pumunta ka lang dito sa website ng ABS-CBN.

Pinoy Big Brother Double Up Magtatapos Na Ngayong Gabi is a post from: Sikat ang Pinoy!

Balota - Caricature mula sa Stellify.net

Kilala ang bansa, aminin man natin o hindi, ang isa sa mga may pinakamalawak na dayaan pagdating sa eleksyon o panahon ng halalan. Ito na siguro ang isa sa pinakamasakit na katotohanan na patuloy na nakadikit sa imahe ng bawat pinoy na botante. Laganap kasi ang bayaran at dayaan sa mga nakaarang eleksyon. Dagdag-bawas system din ay nag-origin sa bansa na kung saan ay isang sistema ng pandaraya na hanggang ngayon ay pinangangambahan pa rin ng marami sa kabila ng computerization ng eleksyon.

Kaguluhan, krimen na kaakibat ng init ng politika at karimarimarim na kaganapan na laging kasabay kapag pumapasok ang panahon ng halalan. Ngayon ay ano ang magagawa mo bilang isang maliit na bahagi subalit isa sa mga pinaka-importanteng parte ng kasarinlan ng bansa upang masiguro ang katiwasayan, marapat at malinis na halalan ngayong 2010?

Oo, meron kang responsibilidad bilang isang pinoy upang masiguro mo ang kinabukasan ng bansa. Maging mapagmasid! Maging matalim at hindi na magbulag-bulagan sa maling sistema. Puwede kang maging susi ng pagbabago. Paano? Simulan mo sa sarili mo. Pumili ng tama at ayon sa konsensiya mo. Umasa, magdasal at bumoto ng tama.

Puwede ka ring maging bahagi ng “Iboto mo, Ipatrol mo” o mga katulad ng ganitong programa upang mag-report ng kahit ano mang nakikita mong katiwalian sa iyong lugar. Sa pamamagitan nito ay mabibigyang puna ang mga mali at mawawasto ng mga gumagawa. Kung walang nagmamasid at nagrereklamo, walang titino. Kung kaya’t simulan mo ang pagbabago sa pagkakaroon ng malasakit sa iyong bansa at sa kinabukasan ng iyong mga anak at magiging anak. Iwasan na ang turuan at bangayan ang kailangan ay ang determinadong partisipasyon ng bawat isa para sa magandang kinabukasan.

Huwag mawalan ng pag-asa, may pag-asa pa kung kaya’t simulan mo na. Kaya natin ‘to mga pinoy, sikat yata ang pinoy!

Pinoy Anong Magagawa mo Sa Halalan 2010? is a post from: Sikat ang Pinoy!

Manny at Jinkee Pacquiao

Marahil ay nagtataka kayo kung ano kaya ang gagawin ng Pinoy boxing idol natin na si Manny “Pacman” Pacquiao sa darating na araw ng mga puso. Patuloy kaya siyang magsasanay para sa laban ni kay Joshua Clottey o magsasaya? Eto ang kasagutan. Alam niyo ba na ang kanyang pinakamamahal na asawa na si Jinkee Pacquiao ay lumipad patungong Los Angeles sa Amerika upang makasama niya si Pacman sa darating na Valentines Day.

Kasama ni Jinkee sa pagpunta sa Amerika ang kanyang kakambal na kapatid na si Janet.

Sinasabing magba-Valentines ang mag-asawa sa California subalit wala pa silang maliwanag na plano. Napabalita din na magkakaroon si Manny “Pacman” Pacquiao ng espesyal na Valentines show ngayong linggo.

Si Pacquiao ay nasa Amerika ngayon at nagsasanay para sa kanyang nararating na laban upang depensahan niya ang kanyang welterweight title laban kay Joshua Clottey sa darating na ika-13 ng Marso ngayong taon. Ito ang kauna-unahang pagkakataon na dedepensahan ni Manny ang kanyang ika-7 titutlo sa boksing.

Manny at Jinkee Pacquiao sa Araw ng Mga Puso is a post from: Sikat ang Pinoy!

Pinoy Power 3: Donaire vs. Vargas

Handa na ang lahat para sa darating na Linggong bakbakan ng mga Pinoy at Latino sa Hilton Hotel Las Vegas, Nevada para sa Pinoy Power 3. Subalit malungkot na binalita ni Nonito Donaire Jr. sa press conference nila sa Las Vegas ang tungkol sa pagbabago sa kanyang makakalaban sa nasabing kaganapan. Hindi na si Gerson Guerrero ang kanyang makakalaban sa halil ay si Manuel Vargas. Ito ay dahil sa hindi pagpasa ni Guerrero sa eye exam bago ang laban. Dahil dito ay hindi siya pinayagang pumasok sa ring at pinalitan na laman ni Vargas.

Nalulungkot na nasambit ni Donaire na alam niya daw ang damdamin at sakit na nararamdaman ng kalaban. Alam niya kung gaano naghirap at nagsumikap ito sa kanyang training.

Samantala sa ganong ding pagkakataon ay masisilayan ang pormal na bihis ng ibang mga boksingero kabilang ang sariling atin na pinoy na boksingero na si Penalosa, Concepcion at Morales na pawang naka-amerikana.

“Handa siya, handa ako… Bugbugan na talaga,” sabi ni Peñalosa ng tinanong tungkol sa laban.

Ang Pinoy Power 3 na kilala din sa bansag na Latino Fury 13 ay magaganap sa darating na Linggo sa Pilipinas at mapapanood mula sa ABS-CBN 10:30 ng umaga.

Eto nga pala ang isa sa mga TV ads / promotions ng nasabing Pinoy Power 3:

Manuel Vargas, Bagong Kalaban ni Donaire sa Pinoy Power 3 is a post from: Sikat ang Pinoy!

Olympic Torch, Kasama ang mga Pinoy sa Pagtakbo

Grabe, talagang sikat ang pinoy saan man dako ng mundo! Apat na pinoy ang gumawa na naman ng kasaysayan sa pamamagitan ng pagkakaroon ng pagkakataon na maging bahagi ng 2010 Olympic Torch relay para sa Winter Games. Sila sina Lani Mino, Richer Guinto, Ferdinand “Macoy” Lagadi at Noel Oco, pawang mga Filipino-Canadians.

Sina Lani Mino at Richer Guinto ay galing sa team ng Vancouver Aquarium na parehong napili na tumakbo sa Oktubre  sa maagang bahagi ng torch run. Samantalang si Ferdinand “Macoy” Lagadi ay kumatawan naman sa Royal Bank ng Canada.

Ang biglaang kasikatan ni Lagadi ay hindi niya kailanman inakalang mangyayari at kahit sa panaginip daw ay hindi  man lamang ito nasagi.  “Hindi ko naisip na ito ay kailanman mangyari datapuwa’t nangyari! Ang mga Pilipino sa buong mundo ay maaaring gumawa ng mga bagay na kaya nating ipagmalaki sa buong mundo, ” sabi ni Lagadi.
Isa pang pinoy na si Noel Oco ay inaasahan ding tumakbo sa huling bahagi ng torch run sa North Vancouver.

Ang Olympic Torch ay nakatakdang gumawa ng 490 na hinto at magpasa sa 12,000 torch bearers bago ang pagbubukas ng Olympics sa Biyernes.

Apat Na Pinoy Kasama sa Olympic Torch Run is a post from: Sikat ang Pinoy!